مدرسة ادسنس هى البداية تعلم معنا اسرار ادسنس واشتراك ادسنس تعلم كيف تختار وسيلة الدفع المناسبة حمل كتب ادسنس و حل مشاكل البن كود

كيف تحمى حسابك فى ادسنس من الإغلاق والضغطات الغير شرعية

كيف تحمى حسابك فى ادسنس من الضغطات الغير شرعية حتى لا يتم طردك
واغلاق حسابك فى برنامج جوجل ادسنس ... شرح مصور برعاية مدرسة ادسنس
 

أحد الأصدقاء أرسل لى  راسلة هامة جداً مضمونها وملخصها السريع أنه يعانى بشدة من الضغطات الغير شرعية التى تتم فى حسابه برغم إلتزامه بكافة قوانين وسياسات أدسنس سواء كان داخل موقعه او مدونته او فى اى شىء تابع لادسنس  وبرغم  ذلك يجد دائما ضغطات غير شرعية داخل قنوات حسابه مما جعله متخوف  بشدة من إغلاق حسابه .

لنبدء على بركة الله فى تعريف هذه المشكلة  وكيفية التغلب عليها .
ماهى الضغطات الغير شرعية ؟
تعتبر الضغطات الغير شرعية هى أسوء ما يقابل الناشرين فى أدسنس لما لها من تأثير على إغلاق الحسابات فى ادسنس  فهى عبارة عن ضغطات تتم على منوال متتالى سواء من جهاز واحد او عدة اجهزة مرتبطة بالانترنت الغرض منها إما مقصود أو غير مقصود أو غرض تخريبى  وهو أخطر الاسباب التى سنتعرف عليها فى درس اليوم

1- الضغطات الغير شرعية المقصودة : هى الضغطات التى يقوم بها صاحب الحساب بنفسه بغرض زيادة ارباحه  وذلك بعدما يوهم نفسه بانه قادر على خداع  فريق عمل جوجل ادسنس  وكانه أينشتين عصره  او كانه يضع نفسه فى تحدى مع  التكنولوجيا المتقدمة لجوجل  والتى سريعاً ما تكتشف الضغطات وتقوم بطرده وتفاجأ به يبكى ويقول " ياليتنى ما فعلت " ... او بالبلدى ياريتنى مشيت جنب الحيط ... ازاى بيتم عمل الضغطات المقصودة عن طريق ان الاستاذ الفاضل " ذكى اخر حاجة "  بيروح سيبر او بيت صاحبه ويفتح الاعلانات بتاعته ويضغط عليها بشكل عشوائى  وفاكر انه كدة بيكسب بس للاسف القدر بيوقعه فى شر اعماله حين يكتشف ذلك فريق جوجل بتكون دى نهايته بدون تراجع ولا ابداء اسباب .

2- الضغطات الغير شرعية الغير مقصودة : ودى بتحصل لكن مش بكثرة .... ازاى بمعنى ان موقعك موجود على جهاز شخص متابع ليك ومهتم  بموقعك ومحتواه وكل يوم  بيدخل عندك  وبيضغط على اعلاناتك اما بغرض الاستفادة او بغرض المجاملة ليك  علشان يكسبك قال ايه " هيعملك احلى كليكايتن " واجب منه وفاكر انه بيفيدك كل يوم .... لكن برده للاسف بتتكشف وبيتم مراقبتك وطردك لو الموضوع زاد عن حده  .

3-  الضغطات الغير شرعية التخريبية : هامة جدا
-----------------------------------------
-----------------------------------------
يعنى ايه ضغطات تخريبية يعنى ولعياذ بالله واحد قلبه إسود ومليان حقد ومبيحبش الخير لحد عايز ينتقم منك ويقفلك حسابك  .. سواء كان يعرفك او ميعرفكش ممكن يكون السبب تنافس ما بينكم او عداوة قديمة او " تار صعيدى " الله اعلم  المهم إن الموضوع ده خطير جدا وناس كتير بتتعرضله  وانا عن نفسى واحد من الناس اللى بتتعرضله يوميا بسبب المنافسين " اللى قلوبهم من جوا مش حلوه "  برغم انى والحمد لله  ما بعملش حاجة وحشة فى  حد وبحاول اخدم الناس على قد ما اقدر .. بس اهو ناس قلوبها سودا هنعمل ايه

ماعلينا نرجع لموضوعنا مش كفاية كدة كلام نظرى
 وندخل فى العملى احسن ...... ولا انت ايه رئيك ؟؟!!!!!

صديقى اللى بعتلى الرسالة بتاعت درس النهاردة بعتلى صورة من تقرير حسابه وبمراجعه صورة التقرير اكتشفت انه  بيتم تصنيف الضغطات عنده فى البند الثالث ...فاكرينه اللى هو الضغطات التخريبيبة .... بتاعت الناس الوحشة " اللى قلوبهم  شبه الفحم " ..

دى صورة التقرير .... حسبنا الله ونعم الوكيل


طبعا زى ما حضراتكم شايفين الصورة مش محتاجة شرح ده عمل تخريبى بنسبة 100 % وبدون اى مجال للشك والدليل زى ما فى الصورة  الموقع اتفتح مرة واحدة واضغط على الاعلانات 5 مرات  وسر الضغطات "صفر"  ونسبة النقر 500 % .
"  ما تستغربش الصورة دى حقيقى وممكن تحصل معاك ومع اى شخص طول مافيه ناس قلوبها ولعياذ بالله  "

طيب ايه الحل فى المشكلة  دى وازاى تحمى نفسك لو حصلت معاك  سواء كان الغرض تخريبى او اى نوع المهم انها ضغطات غير شرعية  وانت متاكد منها انها شرعية  ازاى تتصرف وتلحق نفسك وتحمى حسابك وعضويتك من الطرد والإغلاق .

الحل بسيط جدا كالتالى :
ادخل على الرابط التالى :  Invalid Clicks Contact Form
لو مش مسجل دخولك على حسابك هيطلب منك تسجيل الدخول الى حسابك
قم بتسجيل الدخول بحسابك الموجود عليه ضغطات غير شرعية .

بعد الدخول ستظهر لك صفحة مراسلة الدعم الفنى  لتقديم تقرير حول الضغطات الشرعية فى حسابك  وسيطلب منك التقرير ادخال بعض المعلومات البسيطة والموجودة لديك لتساعد فريق الدعم فى حل مشكلتك وحماية حسابك  والمعلومات كالتالى :

أولا معلومات الحساب :
 الاسم / بريد جوجل الخاص بك / بريد جوجل الخاص بحساب ادسنس/ رقم الناشر


ثانياً : معلومات حول الضغطات التى تمت بحسابك
1- رابط الموقع اللى حصل فيه الضغطات الغير شرعية
2-اختار من القائمة التبليغ عن ضغطات غير شرعية فى حسابك
3- اكتب الرسالة الموجودة دى كما بالصورة  او اى رسالة توضح مشكلتك


ثالثاً : بيانات قد تساعد فريق الدعم فى حالة إن كنت تعرفها
اكتبها ان لم تكن تعرفها فلا يوجد مشكلة اتركها فارغة

وبعدها اضغط  Submit
سوف يتم ارسال تقريرك الى الدعم الفنى وتظهر لك رسالة تاكيد الارسال


بعد ما ارسلنا التقرير هيتم مراجعة حسابك وتصفية الضغطات الغير شرعية منه  وهيضاف لارباحك فقط الضغطات الفعلية او الضغطات المشروعة وبكدة تبقى ضمنت اهم 3 اشياء فى تعاملك مع مدرسة ادسنس

1- عدم  قلقك او خوفك من الضغطات الغير شرعية  من اى نوع
2- عدم طردك او اغلاق حسابك بسبب الضغطات الغير شرعية
لانك شخص محترم بمجرد ما بتلاقى حاجة غلط بتراسل فريق الدعم
وده معناه انك ماشى فى السليم
3- مفيش حد هيقدر يهددك او يخوفك وهتنام وانت مرتاح لانه لو حتى عملك
فى حسابك مليون 1.000.000 ضغطة غير شرعية  ولا كأن حاجة حصلت
هيتم فلترتهم وتصفية حسابك وبالعكس لو هو مشترك فى ادسنس الأى بى بتاعه
هيتراقب وهيتم متابعة نشاطه ولو كررها يبقى "باى باى " بالسلامة يا وحش

--------------------------------------------------------------------
بكدة نكون وصلنا لنهاية الدرس واسف لو كنت طولت عليكم  ويارب الموضوع يعجبكم
طبعا  اى شخص يقلك هقفلك حسابك وهعمل معرفش ايه قوله كلمة واحدة بس
حمــــــرااااااااااا يا أبو حمــــــــره

Share on Facebook
Share on Twitter
Share on Google+

17 comments:

  1. بصراحة مش عارف اقول ايه حضرتك متميز جدا بشروحاتك النظرية والعملية وفعلا بشكرك جدا على المعلومات القيمة دى لانى فعلا كنت محتاجها بسبب انى بقع فى نفس المشكلة ومش عارف حل ليها مشكووووووووووور يا باشمهندس يوسف

    ردحذف
  2. شكرا للموضع الرئع والوافى

    ردحذف
  3. مايكل
    ========
    اهلا ومرحبا بك اخى الكريم شرف لى زيارتك لمدرستنا واشكرك جدا على كلماتك الطيبة .. تقبل تحياتى


    storbed
    =======
    شكرا لك ولتعليقك شرفتنى بالزيارة تقبل تحياتى

    ردحذف
  4. الموضوع مهم عشان فعلاً في ناس حساب الأدسنس يعتبر وسيلة دخل جيدة بالنسبة لهم

    ردحذف
  5. شكرا لك على هذه المعلومات .

    ردحذف
  6. بجد مفيش اى كلمة شكر تعبر عن مجهودك الرائع
    ومساندتك لينا ودعمك الدائم لنا
    جزاك الله كل خير ونصرك دائما

    ردحذف
  7. شكرا ا بشمهندس
    ومتهيقلى مش نقوله
    حمرا نقوله
    انا كدا والى مش عجبه
    يا خد فيزاااااااااا

    ردحذف
  8. بارك الله فيكم جميعا
    وشرفتونى فى موضوعى المتواضع واتمنى اكون قدرت افيدكم فى شىء تقبلوا تحياتى وخالص ودى واحترامى

    ردحذف
  9. جزاك الله خيراً وكل عام وأنت بخير أسأل الله أن يبلغنا وإياك رمضان ويغفر لنا

    ردحذف
  10. حمراااااااااااااااااااا
    هههههههههههههه
    مليحة هذي d:

    ردحذف
  11. شكرا ليك على مجهودك

    جعلها الله فى ميزان حسناتك

    ردحذف
  12. بارك الله فيك هده المشكلة نعاني منها كثيرا و لكن الخمد لله وينما تكون ضغطات مريبة مباشرة التبليغ عنها و الدنيا ماشية مشكوووووور يا استاد

    ردحذف
  13. شكرا لك على طرح الموضوع

    ردحذف
  14. ما شاء الله عليك الله ينورك

    ردحذف
  15. مشكووووووووووووور على الشرح الى الامام

    ردحذف
  16. كمبتدي أشكركم جدا على الموضوعات الهامة والمعلومات المفيدة ربنا يوفقكم .. شكرا لكم

    ردحذف